పూజ్యులు మా గురువులు

అమావాస నిశిరాత్రిని

మేలుకొలిపే సూర్యులు,

నడి ఎడారి బాటసారికి

దారి చూపిన వెలుగులు,

బడినే ఒక గుడిగ మార్చి

ఏలిన మహరాజులు,

కడదాకా మరవలేని

పూజ్యులు మా గురువులు!

Happy teacher's Day -05.09.2012

దా(దో)చిన కరెన్సీ నోటు

పోలీసులు
ఫిరంగులతో గురిపెడుతున్నారు
ఎంగిలి మెతుకులకు
ఆశ పడొద్దని
మొరుగుతున్నఅక్షరాన్ని
చంపడానికి ..

కారు మబ్బులన్నీ
ఏక మౌతున్నాయి     
నీటిని మూటలు కట్టి,
రగిలే సూర్యున్ని
ముంచడానికి ..

నలుగురూ నాలుగ్గోడల మద్య
కుస్తీ పడుతున్నారు
పనులన్నీ పక్కన పెట్టి,
 దా(దో)చిన కరెన్సీ నోటును
బోర్డు నోటుతో పూడ్చి
నిజాన్ని సమాధి చేయడానికి...

 


  

నిర్ణయం

ఒక స్వర్గం!

ఒక నరకం!!

మద్యలో ఒక నిర్ణయం!!!

best mother in the world

అమ్మా యాడ్కి వోతున్నవే  అంటే 

ఇంక్యాడ్కి వోత 

పొద్దుట్యాల్లకు  కూముకింత గంజివోయాలగద 

గందుకే సేన్కి కల్వనిక్కె వోతున్న, అనెడిది 

అందర్లెక్క నన్నేమన్న బల్సినోన్కిఇచ్చిన్డ్రా      

మాయప్ప బర్వు దిన్పుకోనిక్కే 

ఎన్కముందు జూడకుండ మీ యప్పకుకట్టవెట్టె

మీ యప్పకేమో బీడిల మీద పత్తల మీదున్న సోయి 

పెండ్లాం పిల్లల మీద లేదాయె , అనెడిది 

అందరు కూలోల్లు నస్కుల్లనే వోతే

మాయమ్మ శాన తడువయిపోతుండె 

ఇంట్లో అందరికి కూడొండాలికదా !

కానీ సటసట కల్సి 

మాపటికల్ల అందరికన్నా ఎక్కువ సాల్లు 

కలుస్తుండేనంట, పక్క కూలోల్లు జెప్తుండే 

ఆయితారం మాత్రం సేనికి కల్వనీకే పోకుండే 

అట్లాని ఆయితారం తాతీల్లు  అనుకొనేరు 

ఒంట జెయ్యనిక్కే కట్టెలు గావాలి గద 

గందుకే నస్కుల లేసి అడ్వికి పోతుండె 

ఒక్కతే వొయ్యేది గాదు 

కమ్మరామెనో, గుడుమల్లామెనో, బాయికాడమెనో

ఎన్క వెటకపోయేడిది 

ఇచింత్రం ఏందోగాని, మాయమ్మ 

ముగ్గురు దోస్తుల పేర్లూ బిచ్చమ్మనే 

పొద్దు పోయినా రాకపోయే సర్కి 

ఇంటిముందు వోయెటొల్లను  

సేన్లకెంచి వచ్చెటొల్లనూ 

మాయమ్మ కన్పించిందేమో అడిగేతోల్లం   

గాసొంటప్పుడు, కర్ణం హన్మంత్రావ్ తాత 

బండల మీద వోకుంట, మీయమ్మకేం గాదురా 

శాన ధైర్యమున్న తల్లి 

ఇద్దరి మొగొల్ల బరువు ఒక్కతే మోస్తది 

ఆయమ్మకు ఆశ ఎక్కువ 

మీ యప్పను జేస్కున్న కాడినుంచీ 

ఇప్పటి దాక సుకమే తెలవదు దేవమ్మకు 

అని ఇంటి మున్దోల్లకు జెప్తుంటే 

కండ్ల నీళ్ళు దిరుగుతుండే 

గుండెలకెంచి ఎవరో దేవినట్లయితుండే 

ఇంటికి రాంగనే గట్టిగ వట్కొని ఎడ్వాలనిపిస్తుండే

కాని, రావడం రావడమే కోపంగా తిట్కూంట వస్తుండే 

పెద్ద కట్టెల మోపు, దానిపైన గడ్డి మోపు..

దర్వాజల పట్టకపొతే ఇద్దరం కలిసి దిన్పెతోల్లం 

చేతులు కాళ్ళు కడుక్కొని వొర్లుకుంట రొట్టెలు చేస్తుండె 

ఎందుకంత కష్టం జేస్తదో, ఎందుకంత ఒర్లుతదో 

మా కర్తమయ్యేడిది కాదు 

తిని మేము పండుకున్నంక ఎప్పుడు పండెడిదో  ఏమో?

పొద్దున్న లేస్తనే వాకిలి ఊడ్సుకుంట కన్పింస్తుండే 

బతుకంతా మాకు ఊడిగం చేసి, చేత కాకున్నా 

చేతి విరిగినా, మా పిల్లలకు చేసుకుంటా 

లంకంత కొంపలో ఒంటరిగా ఉంచిన 

ఆయమ్మ రాత గా బ్రమ్మ ఎట్ల రాసిండో గదా?

అమర ప్రేమ!

ఆయాసంగా మెట్లెక్కి
డోర్ తెరిచి, కారిడార్ లోకి
అడుగుపెట్టాను, షూస్ విప్పుదామని!

ఏకాంతంలో ప్రేమికుల్లా
కిచెన్ లోంచి గుసగుసలు!
కొంచెం అనుమానంగా
కిచెన్ కేసి చూశా, ఓరగా
పొద్దున్న పనిమనిషి
పెనం, కుకర్ లను
స్టవ్ పైనే ఆరబెట్టినట్లుంది
సర్దడం మరిచిపోయి

ప్రేమ మైకపు స్వరం పెట్టి
కుకర్ నడిగింది పెనం
" నేనంటే నిజంగా నీకంత ప్రేమా?" అని

దానికి కుకర్ నిర్లక్షంగా అంది
"అదేం లేదు, మామూలు స్నేహమే" అని
ఎందుకు ప్రేమ లేదని
ప్రశ్నించింది పెనం

నువ్ నలుపు, నేను తెలుపు
గోడను తగిలిన బంతిలా
అటునుంచి సమాధానం

పెనంకు కోపమొచ్చినట్లుంది
ఆవేశంగా అరుస్తూంది
అయితే రోజూ నన్ను చూస్తూ
'విజిల్' ఎందుకేస్తావ్?